Bazarda yeni əmlak sığortası şərtləri

Bazarda yeni əmlak sığortası şərtləri | alkredit.az

PAŞA Sığorta şirkəti yeni daşınan və daşınmaz əmlakın icbari və könüllü sığortası üzrə məhsulu olan Yaşıl Bakı-nı müştərilərinə təqdim edir.

Bu məhsul 3 paketdən ibarətdir:Çinar, Cökə və Zeytun və əsas özəlliyi ondan ibarətdir ki,  paketlərin tarifləri öncədən müəyyən olunub və hər kəs özünə uyğun olan paketi seçə bilər. Sizin tələblərinizə uyğun olan sığorta paketini seçərkən müvafiq sığorta təminatı əldə edirsiniz.

SATILAN MƏHSULUN SAYI QƏDƏR AĞAC ƏKİLƏCƏK

"Həmçinin layihənin sosial tərəfi də mövcuddur. Bu məhsulları əldə etdiyiniz zaman paketin adına uyğun paytaxtımıza bir ağac hədiyyə etmiş olursunuz. Hər 6aydan bir PAŞA Sığorta şirkətinin əməkdaşları satılan məhsulların sayına uyğun olaraq paytaxtımızın öncədən müəyyən olunmuş yerlərində ağac əkilməsini həyata keçirəcəklər. Belə ki, bu paketləri əldə edən hər kəsin Bakının yaşıllaşmasında bir töhvəsi olacaqdır",- şirkətin məlumatında deyilir.

Üstünlüklərdən digəri isə ondan ibarətdir ki, əmlakınız baza yaşayış üçün tam yararsız olduğu halda hər bir paket üzrə sizə aylıq 300 AZN, 500 AZN, 700 AZN məbləğində kirayə haqqı ödəniləcəkdir.

QİYMƏTLƏR 99 MANATDAN BAŞLAYIR

Çinar Paketinin sığorta haqqı 99 AZN, Cökə paketinin 149 AZN, Zeytun paketinin isə 199 AZN təşkil edir. Paketlər bir birlərindən təminat məbləğinə görə fərqlənirlər.

Bu paketləri əldə edən hər kəs xüsusi Yaşıl Bakı kartına sahib olur və müxtəlif  endirimlərdən yararlanmaq imkanı qazanır.  Endirim təqdim olunan ticarət obyektlərinin siyahısı aşağıdakı kimidir:

-          166 Yük Taksisi 10%

-          H2O Quru Təmizləmə 20%

-          Təmiz Xalı 10%

-          Alo Usta 20%

-          Baku Cleaning Company 10%

-          PurePro Su filtrləri 15%

-          Diona Mebel 15%

-          Optimal Electronics 20%-dək (endirimlər planşet, notebook və telefonlara şamil edilmir)

Ətraflı məlumat üçün: *7000 Sığorta Məsləhətləri Xətti və ya http://pasha-insurance.az/az

Qeyd edək ki, «PAŞA Sığorta» şirkəti 2006-cı ildən fəaliyyət göstərir. "PAŞA Holding" qrupunun üzvü olan “PAŞA Sığorta” korporativ və fərdi müştərilərə 35 növ könüllü və icbari sığorta üzrə xidmət göstərir. Nizamnamə kapitalı 50 mln manat olmaqla, “PAŞA Sığorta” kapitallaşma göstəricilərinə və riskləri özündə saxlama gücünə görə Azərbaycanın sığorta və təkrar sığorta bazarında lider mövqeyini gücləndirir.

mənbə:marja